ໜ້າຫຼັກ / ການເຄື່ອນໄຫວ / ຫ້ອງການ ຖວທ ລາວ-ສສ ຫວຽດນາມ ເຊັນບົດທຶກແລກປ່ຽນບົດຮຽນ ໄລຍະ 2023-2027

ຫ້ອງການ ຖວທ ລາວ-ສສ ຫວຽດນາມ ເຊັນບົດທຶກແລກປ່ຽນບົດຮຽນ ໄລຍະ 2023-2027

06 Nov 2023 | ຂ່າວ-ພາບ:ວຽງສະຫວັນ |

ຂປລ. ພິທີພົບປະ ແລະ ເຊັນບົດບັນທຶກແລກປ່ຽນບົດຮຽນ ລະຫວ່າງ ຫ້ອງການກະຊວງ ຖະແຫລງຂ່າວວັດທະນະທຳ ແລະ ທ່ອງທ່ຽວ(ຖວທ) ແຫ່ງ ສປປ ລາວ ແລະ ຫ້ອງການກະຊວງ ວັດທະນະທຳກິລາ ແລະ ທ່ອງທ່ຽວ ແຫ່ງ ສສ ຫວຽດນາມ ໄລຍະ 2023-2027 ຈັດຂຶ້ນໃນວັນທີ 6 ພະຈິກ 2023 ທີ່ກະຊວງ ຖວທ ໂດຍການຮ່ວມລົງນາມ ລະຫວ່າງ ທ່ານ ບຸນເພັງ ສຸພາບ ຮອງຫົວໜ້າຫ້ອງການກະຊວງ ຖວທ ແລະ  ທ່ານ  ຫງວຽນ ຫິ້ວ ຫງັອກ ຮອງຫົວໜ້າຫ້ອງການກະຊວງ ວັດທະນະທຳກິລາ ແລະ ທ່ອງທ່ຽວ ສສ ຫວຽດນາມ  ແລະ ພາກສ່ວນກ່ຽວຂ້ອງ ເຂົ້າຮ່ວມ.

   ການພົບປະແລກປ່ຽນຄັ້ງນີ້, ທັງ 2 ຝ່າຍ ໄດ້ຜັນຂະຫຍາຍຕາມແຜນການຮ່ວມມື ໃນຂະແໜງ ວັດທະ ນະທຳສິລະປະ ແລະ ທ່ອງທ່ຽວ ລະຫວ່າງ ກະຊວງ ວັດທະນະທຳກິລາ ແລະ ທ່ອງທ່ຽວ ສສ ຫວຽດນາມ ແລະ ກະຊວງ ຖະແຫລງຂ່າວວັດທະນະທໍາ ແລະ ທ່ອງທ່ຽວ ສປປ ລາວ ໄລຍະ 2021-2025 ໂດຍປະຕິບັດແຜນແລກປ່ຽນ ແລະ ການຮ່ວມມື ສອງຝ່າຍຕົກລົງ ເປັນເອກະພາບກັນ ສ້າງບົດບັນທຶກການຮ່ວມມື ແລກປ່ຽນບົດຮຽນ ໄລຍະ 2023-2027  ໂດຍສອງຝ່າຍຈະສົ່ງເສີມ ແລະ ຊຸກຍູ້ ສາຍພົວພັນຮ່ວມມື ລະຫວ່າງ ຫ້ອງການຂອງສອງກະຊວງ ບົນພື້ນຖານ ຫລັກການ ມີຄວາມສະເໝີພາບ ຕ່າງຝ່າຍຕ່າງມີຜົນປະໂຫຍດ ແລະ ສອດຄ່ອງກັບ ບົດບາດ ແລະ ພາລະໜ້າທີ່ຂອງແຕ່ ລະຝ່າຍເຄົາລົບອະທິປະໄຕ ແລະ ລະບຽບກົດໝາຍ ຂອງລາວ ແລະ ຫວຽດນາມ ແລະ ສັນຍາສາກົນຕ່າງໆ ທີ່ແຕ່ລະປະເທດເປັນພາຄີ. ພ້ອມນີ້, ສອງຝ່າຍ ເພີ່ມທະວີການນຳໃຊ້ລະບົບ ໂດຍມີໃນການແລກປ່ຽນ ຂໍ້ມູນຂ່າວສານເຊິ່ງກັນ ແລະ ກັນຢ່າງເປັນທາງການ; ສອງຝ່າຍ ຕົກລົງເປັນເອກະພາບກັນ ສົ່ງເສີມສາຍພົວພັນຮ່ວມມືແລກປ່ຽນບົດຮຽນ ແລະ ປະສົບການ ເຊິ່ງກັນ ແລະ ກັນ.

ຫ້ອງການກະຊວງ ທັງສອງຝ່າຍ ຈະແລກປ່ຽນຄະນະຜູ້ແທນ ປະກອບດ້ວຍ 5-7 ທ່ານ ໃນເວລາ 7 ວັນ ໂດຍຜັນປ່ຽນ ສະຖານທີ່ເຮັດວຽກຢູ່ ແຕ່ລະປະເທດເປັນປະຈຳປີ, ທັງສອງຝ່າຍ ຈະອຳນວຍຄວາມສະດວກ ໃນການປະສານສົບທົບຜັນປ່ຽນກັນ ຈັດກອງປະຊຸມປຶກສາຫາລື ແລກປ່ຽນບົດຮຽນເປັນປະຈຳປີ ເຊິ່ງໄລຍະ 2023-2027 ທັງສອງຝ່າຍ ຈະຊຸກຍູ້ການແລກ ປ່ຽນບົດຮຽນ ຕາມຫົວຂໍ້ ຍົກສູງປະສິດທິພາບ ຂອງວຽກງານບໍລິຫານຫ້ອງການ ດ້ວຍລະບົບຖານຂໍ້ມູນອີເລັກໂຕຣນິກ” ແລະ “ ປັບປຸງວຽກງານ ຫ້ອງການດ້ານບໍລິຫານການເງິນ ແລະ ເພີ່ມລາຍຮັບ ງົບປະມານ ໃຫ້ເປັນລະບົບຄົບຊຸດ”.

ຂ່າວຫຼ້າສຸດ

ອົງການຈັດຕັ້ງມະຫາຊົນ

ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ຈັດກອງປະຊຸມແລກປ່ຽນຄໍາຄິດເຫັນ ວຽກງານຕ້ານການຄ້າມະນຸດ ໃຫ້ຂະແໜງສື່ມວນຊົນ ແຂວງ ພາກໃຕ້ ແລະ ພາກເໜືອ

  • 15 Jul 2024
  • ຂ່າວ: ກິດຕາ

     ກະຊວງຖະແຫລງຂ່າວ, ວັດທະນະທໍາ...

ອ່ານເພີ່ມ

ວຽກງານເສນາ

ກະຊວງ ຖວທ ເຜີຍແຜ່ຫລາຍເອກະສານສຳຄັນຂອງພັກ-ຂອງຊາດ

  • 12 Jul 2024
  • ຂ່າວ: ສົມຫວັງ

ກະຊວງຖະແຫລງຂ່າວ, ວັດທະນະທຳ ແລະ...

ອ່ານເພີ່ມ

ວຽກງານທ່ອງທ່ຽວ

ກະຊວງ ຖວທ ແລະ ກຸ່ມບໍລິສັດທຣິບການຄ້າ ຊຽງໄຮ ສປ ຈີນ ລົງນາມຮ່ວມມືດ້ານການທ່ອງທ່ຽວ

  • 04 Jul 2024
  • ພາບ: ອ່າຍຄຳ

  ຂປລ. ກະຊວງຖະແຫລງຂ່າວ, ວັດທະນະທຳ...

ອ່ານເພີ່ມ

ວຽກງານເສນາ

ລັດຖະມົນຕີກະຊວງ ຖວທ ຕ້ອນຮັບຜູ້ຕາງໜ້າ ຫ້ອງການ ອຸຍນີເຊບ ປະຈຳລາວ ເຂົ້າຢ້ຽມອຳລາ

  • 25 Jun 2024
  • ພາບ: ອ່າຍຄຳ

   ຂປລ. ວັນທີ 25 ມິຖຸນາ 2024 ນີ້, ທ່ານ...

ອ່ານເພີ່ມ