#ຄະນະຊາວໜຸ່ມກະຊວງວັດທະນະທຳ ແລະ ການທ່ອງທ່ຽວ ໄດ້ຈັດກອງປະຊຸມສຳມະນາພາຍໃຕ້ຫົວຂໍ້ “ຊາວໜຸ່ມຕົວແບບ” ຄວບຄູ່ກັບການແຂ່ງຂັນກິລາເປຕັງມິດຕະພາບຢ່າງຟົດຟື້ນ ແລະ ເຕັມໄປດ້ວຍຄວາມໝາຍອັນເລິກເຊິ່ງ.

........

​ກິດຈະກຳດັ່ງກ່າວ ໄດ້ຈັດຂຶ້ນໃນວັນສຸກ ວັນທີ 24 ກໍລະກົດ 2026 ທີ່ຫ້ອງປະຊຸມ ກະຊວງ ວທ. ໂດຍການເປັນປະທານຂອງສະຫາຍ ເດດນະຄອນ ຫຼວງໂມວິຫານ ຮອງເລຂາຄະນະບໍລິຫານງານຊາວໜຸ່ມ ກະຊວງ ວທ ພາຍໃນງານໄດ້ເລີ່ມຕົ້ນດ້ວຍການເຜີຍແຜ່ຈຸດປະສົງ, ມາດຖານ ແລະ ເງື່ອນໄຂຂອງການເປັນ “ຊາວໜຸ່ມຕົວແບບ”, ຮັບຟັງການນຳສະເໜີແລກປ່ຽນບົດຮຽນຕົວຈິງ ຈາກຊາວໜຸ່ມຕົວແບບຂອງກະຊວງ ວທ ທັງເປັນຊາວໜຸ່ມຕົວແບບທົ່ວປະເທດ ໃນປີ 2025.

ພ້ອມດຽວກັນນັ້ນ, ຍັງໄດ້ເປີດເວທີໃຫ້ສະມາຊິກຊາວໜຸ່ມທຸກສະຫາຍຮ່ວມແລກປ່ຽນຄຳຄິດຄຳເຫັນຢ່າງກົງໄປກົງມາ ແລະ ເຕັມໄປດ້ວຍຄວາມຄິດສ້າງສັນ. ບໍ່ພຽງແຕ່ເນື້ອໃນທາງວິຊາການເທົ່ານັ້ນ ຄະນະບໍລິຫານງານຊາວໜຸ່ມກະຊວງ ວທ ຍັງໄດ້ຈັດການແຂ່ງຂັນກິລາເປຕັງມິດຕະພາບ ຢ່າງມີບັນຍາກາດທີ່ເບີກບານມ່ວນຊື່ນ. ຜົນສຳເລັດຂອງງານໃນຄັ້ງນີ້ ບໍ່ພຽງແຕ່ສ້າງຄວາມສາມັກຄີ ແລະ ຄວາມເບີກບານມ່ວນຊື່ນ, ແຕ່ຍັງເປັນການປຸກລະດົມ ແລະ ຍົກລະດັບສະມາຊິກຊາວໜຸ່ມ ວທ ໃຫ້ກ້າວຂຶ້ນເປັນ “ຊາວໜຸ່ມຕົວແບບ” ທີ່ມີທັງຄຸນສົມບັດ, ຄວາມຮູ້ຄວາມສາມາດ ແລະ ຮ່າງກາຍແຂງແຮງ ພ້ອມອຸທິດຕົນປະຕິບັດໜ້າທີ່ການເມືອງໃນຍຸກດີຈີຕອນຢ່າງມີປະສິດທິພາບສູງ.

#ຂ່າວ-ພາບ: ຫ້ອງການກະຊວງ ວທ