ໜ້າຫຼັກ / ການເຄື່ອນໄຫວ / ລັດຖະມົນຕີກະຊວງ ຖວທ ຕ້ອນຮັບ ຜູ້ອຳນວຍການພາກພື້ນຂົງເຂດແມ່ນໍ້າຂອງ

ລັດຖະມົນຕີກະຊວງ ຖວທ ຕ້ອນຮັບ ຜູ້ອຳນວຍການພາກພື້ນຂົງເຂດແມ່ນໍ້າຂອງ

21 May 2025 | ພາບ: ເກດສະໜາ |

  ຂປລ. ​ເມື່ອ​ບໍ່​ດົນ​ມາ​ນີ້, ທ່ານ ນາງ ສວນສະຫວັນ ວິຍະເກດ ລັດຖະມົນຕີ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບການເຂົ້າຢ້ຽມຂ່ຳນັບ ທ່ານ ຈ່ອງ-ກາບຣີແຢຣ ດຸສ (Jean Gabriel Duss) ຜູ້ອຳນວຍການພາກພື້ນຂົງເຂດແມ່ນໍ້າຂອງ, ຫ້ອງການຮ່ວມມື ແລະ ກົງສູນສະວິດ (SDC) ເພື່ອລາຍງານ ແລະ ທົບທວນຄືນການຈັດຕັ້ງ ປະຕິບັດໂຄງການຮ່ວມມື ລະຫວ່າງ ກະຊວງ ຖວທ ແລະ ຫ້ອງການ SDC ທີ່ຈັດຕັ້ງປະຕິບັດໂດຍ ບັນດາອົງການຈັດຕັ້ງສາກົນ ຂອງປະເທດສະວິດ ໂດຍສະເພາະ ບັນດາກິດຈະກໍາ ທີ່ຊຸກຍູ້ສົ່ງເສີມນະໂຍບາຍ ຂະແໜງການທ່ອງທ່ຽວ, ພ້ອມທັງປຶກສາຫາລືກ່ຽວກັບ ແຜນການຮ່ວມມືຮ່ວມກັນໃນຕໍ່ໜ້າ.

  ໃນໂອກາດນີ້, ທ່ານ ລັດຖະມົນຕີ ກະຊວງ ຖວທ ໄດ້ຕີລາຄາສູງຕໍ່ການສະໜັບສະໜູນ ແລະ ຊ່ວຍເຫລືອ ຂອງຫ້ອງການ SDC ໃນໄລຍະຜ່ານມາ ເຊິ່ງເປັນການປະກອບສ່ວນສຳຄັນ ຕໍ່ການພັດທະນາເສດຖະກິດ-ສັງຄົມແຫ່ງຊາດ ​ໂດຍສະເພາະ ວຽກງານການຍົກສູງດ້ານທັກສະວິຊາການ ແລະ ການພັດທະນາບຸກຄະລາກອນ ດ້ານການທ່ອງທ່ຽວ ທີ່ເປັນວຽກບຸລິມະສິດ ສໍາຄັນອັນໜຶ່ງ ໃນການພັດທະ ນາວຽກງານຂອງ ກະຊວງ ຖວທ.

   ພ້ອມກັນນີ້, ສອງຝ່າຍໄດ້ສະແດງຄວາມເປັນເອກະພາບ ແລະ ຕີລາຄາສູງ ຕໍ່ໝາກຜົນຂອງບັນ ດາວຽກງານທີ່ໄດ້ຈັດຕັ້ງປະຕິບັດໃນໄລຍະຜ່ານມາ ​ໂດຍ ທ່ານ ຈ່ອງ-ກາບຣີແຢຣ ດູສ ໄດ້ສະແດງຄຳໝັ້ນສັນຍາວ່າ ຈະສືບຕໍ່ຮ່ວມມືກັບ ກະຊວງ ຖວທ ໃນສ້າງຄວາມເຂັ້ມແຂງ ໃຫ້ແກ່ບຸກຄະລາກອນ, ລົງເລິກການຈັດຝຶກອົບຮົມ ດ້ານວິຊາຊີບການທ່ອງທ່ຽວ, ວຽກງານສົ່ງເສີມການພັດທະນາ ທັກສະຄວາມຮູ້-ຄວາມສາມາດ ແລະ ວິເຄາະ-ວິໄຈດ້ານການທ່ອງທ່ຽວໃຫ້ຫລາຍຂື້ນ.

  ຈາກນັ້ນ, ທ່ານ ນາງ ສວນສະຫວັນ ວິຍະເກດ ກໍໄດ້ສະແດງຄວາມຂອບໃຈ ແລະ ສະແດງຄວາມພ້ອມທີ່ຈະສືບຕໍ່ຮ່ວມມື ແລະ ຮ່ວມເຮັດວຽກຢ່າງໃກ້ຊິດກັບ ຫ້ອງການ SDC ເພື່ອເຮັດໃຫ້ວຽກງານຮ່ວມມື ຂອງສອງຝ່າຍບັນລຸຜົນສຳເລັດ ຕາມເປົ້າໝາຍທີ່ວາງໄວ້.

Share:

ຂ່າວຫຼ້າສຸດ

ວຽກງານເສນາ

ກອງປະຊຸມສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 36 ແລະ ບັນດາກອງປະຊຸມປິ່ນອ້ອມທີ່ກ່ຽວຂ້ອງ

  • 05 Nov 2026
  • ຫ້ອງການກະຊວງ

ໃນລະຫວ່າງວັນທີ 5-7 ພະຈິກ 2026 ທີ່...

ອ່ານເພີ່ມ

ວຽກງານເສນາ

ກະຊວງ ວັດທະນະທຳ ແລະ ການທ່ອງທ່ຽວ ເປີດກອງປະຊຸມວຽກງານຈັດຕັ້ງ 5 ປີ (2021-2025) ແລະ ທິດທາງແຜນການ 5 ປີ (2026-2030)

  • 04 Nov 2026
  • ຫ້ອງການກະຊວງ

ຕອນເຊົ້າວັນທີ 04 ພະຈິກ 2026...

ອ່ານເພີ່ມ

ວຽກງານເສນາ

ທ່ານ ລັດຖະມົນຕີ ລາວ ແລະ ກຳປູເຈຍ ເປີດງານພົບປະເຄືອຂ່າຍພາກລັດ-ພາກທຸລະກິດການທ່ອງທ່ຽວ ທີ່ ຈຳປາສັກ ສະເຫຼີມສະຫຼອງສາຍພົວພັນການທູດ ຄົບຮອບ 70 ປີ

  • 21 Oct 2026
  • ຫ້ອງການກະຊວງ

ຕອນເຊົ້າວັນທີ 21 ຕຸລາ 2026...

ອ່ານເພີ່ມ

ວຽກງານທ່ອງທ່ຽວ

ຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມວົງແຄບລັດຖະມົນຕີທ່ອງທ່ຽວ ອາຊຽນ ຄັ້ງທີ 2 (The Second ASEAN Tourism Ministers’ Retreat)

  • 29 Sep 2026
  • ກະຊວງວັດທະນະທຳ ແລະ ການທ່ອງທ່ຽວ

ຄະນະຜູ້ແທນ ສປປ ລາວ...

ອ່ານເພີ່ມ