ໜ້າຫຼັກ / ການເຄື່ອນໄຫວ / ຊົມເຊີຍ ຟ້ອນລຳວົງລາວ ຖືກຮັບຮ້ອງເປັນ ມໍລະດົມໂລກ ທາງດ້ານວັດທະນະທຳນາມມະທຳ

ຊົມເຊີຍ ຟ້ອນລຳວົງລາວ ຖືກຮັບຮ້ອງເປັນ ມໍລະດົມໂລກ ທາງດ້ານວັດທະນະທຳນາມມະທຳ

10 Dec 2024 | ຂ່າວ: ກິດຕາ |

   ຂປລ. ໃນວັນທີ 10 ທັນວາ 2024 ນີ້, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ຈັດພິທີຕ້ອນຮັບ ເພື່ອສະແດງຄວາມຊົມເຊີຍ ຄະນະຜູ້ແທນທີ່ເດີນທາງກັບຈາກ ງານຮັບຮອງເອົາການຂຶ້ນທະບຽນ “ຟ້ອນລໍາວົງລາວ” ຖື ເປັນມໍຣະດົກໂລກ ທາງດ້ານວັດທະນະທຳ ນາມມະທຳຂອງມວນມະນຸດ ເຊິ່ງງານດັ່ງກ່າວ ໄດ້ຈັດຂຶ້ນໃນວັນທີ 5 ທັນວາ 2024 ຜ່ານມາ ທີ່ແຂວງອາຊັນຊົງ ປະເທດປາຣາໄກວ.
   ໃນໂອກາດທີ່, ຟ້ອນລຳວົງລາວ ຖືກຮັບຮອງເປັນມໍຣະດົກໂລກຄັ້ງນີ້, ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໄດ້ຕາງໜ້າລັດຖະບານ ແລະ ປະຊາຊົນລາວບັນດາເຜົ່າ ມີ ຄໍາເຫັນສະແດງຄວາມຍິນດີເປັນຢ່າງຍິ່ງ ຕໍ່ການປະກາດຮັບຮອງເອົາການຂຶ້ນທະບຽນ “ຟ້ອນລໍາວົງລາວ” ເປັນມໍລະດົກໂລກໃນຄັ້ງນີ້, ອັນໄດ້ເຮັດໃຫ້ປະຊາຊົນລາວບັນດາເຜົ່າ ແລະ ສັງຄົມລາວ ໄດ້ສືບທອດຢ່າງພາກພູມ ແລະ ມີກຽດ, ເປັນປັດໄຈສຳຄັນໃນການອະນຸລັກຮັກສາມໍຣະດົກ ແລະ ຄວາມຫລາກຫລາຍທາງວັດທະນະທຳ ທີ່ພວມຜະເຊີນໜ້າກັບການຈະເລີນເຕີບໂຕຂອງໂລກາພິວັດ ຢ່າງຕໍ່ເນື່ອງ, ທັງເປັນປັດໄຈຄໍ້າປະກັນການຍືນຍົງຄົງຕົວ ຂອງຊາດລາວຕະຫລອດໄປ.
   ຟ້ອນລຳວົງລາວ ກາຍເປັນໜຶ່ງໃນການສະແດງອອກເຖິງ ວິຖີຊີວິດຂອງປະຊາຊົນບັນດາເຜົ່າ ຊາວຜູ້ອອກແຮງງານ ທີ່ໄດ້ສະສົມເປັນເອກະລັກໄປຕາມແຕ່ລະທ້ອງຖິ່ນ, ໄດ້ຮັບການຖ່າຍທອດຈາກບັນພະບູລຸດ ແລະ ສືບທອດຈາກຮຸ່ນຄົນໜຶ່ງສູ່ຮຸ່ນຄົນໜຶ່ງຢ່າງຕໍ່ເນື່ອງ ແລະ ໄດ້ຮັບການປະດິດແຕ່ງ, ປັບປຸງ ແລະ ດັດປັບໃຫ້ເຂົ້າກັບສະພາບແວດລ້ອມສັງຄົມອັນໃໝ່, ມີສາຍກ່ຽວພັນກັບທໍາມະຊາດອ້ອມຂ້າງ ແລະ ບົນພື້ນຖານປະຫວັດສາດຂອງຊຸມຊົນເຊື້ອຊາດລາວ ຈຶ່ງເຮັດໃຫ້ຊຸມຊົນເຫລົ່ານີ້ຮັບຮູ້ ແລະ ສືບທອດເອກະລັກວັດທະນະທໍາຂອງຕົນ ເຮັດໃຫ້ມີການພັດທະນາຢ່າງຕໍ່ເນື່ອງ ແລະ ມີຄຸນຄ່າທາງດ້ານຈິດໃຈ.

Share:

ຂ່າວຫຼ້າສຸດ

ວຽກງານເສນາ

ກອງປະຊຸມສະພາປະຊາຄົມວັດທະນະທຳ-ສັງຄົມອາຊຽນ ຄັ້ງທີ 36 ແລະ ບັນດາກອງປະຊຸມປິ່ນອ້ອມທີ່ກ່ຽວຂ້ອງ

  • 05 Nov 2026
  • ຫ້ອງການກະຊວງ

ໃນລະຫວ່າງວັນທີ 5-7 ພະຈິກ 2026 ທີ່...

ອ່ານເພີ່ມ

ວຽກງານເສນາ

ກະຊວງ ວັດທະນະທຳ ແລະ ການທ່ອງທ່ຽວ ເປີດກອງປະຊຸມວຽກງານຈັດຕັ້ງ 5 ປີ (2021-2025) ແລະ ທິດທາງແຜນການ 5 ປີ (2026-2030)

  • 04 Nov 2026
  • ຫ້ອງການກະຊວງ

ຕອນເຊົ້າວັນທີ 04 ພະຈິກ 2026...

ອ່ານເພີ່ມ

ວຽກງານເສນາ

ທ່ານ ລັດຖະມົນຕີ ລາວ ແລະ ກຳປູເຈຍ ເປີດງານພົບປະເຄືອຂ່າຍພາກລັດ-ພາກທຸລະກິດການທ່ອງທ່ຽວ ທີ່ ຈຳປາສັກ ສະເຫຼີມສະຫຼອງສາຍພົວພັນການທູດ ຄົບຮອບ 70 ປີ

  • 21 Oct 2026
  • ຫ້ອງການກະຊວງ

ຕອນເຊົ້າວັນທີ 21 ຕຸລາ 2026...

ອ່ານເພີ່ມ

ວຽກງານທ່ອງທ່ຽວ

ຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມວົງແຄບລັດຖະມົນຕີທ່ອງທ່ຽວ ອາຊຽນ ຄັ້ງທີ 2 (The Second ASEAN Tourism Ministers’ Retreat)

  • 29 Sep 2026
  • ກະຊວງວັດທະນະທຳ ແລະ ການທ່ອງທ່ຽວ

ຄະນະຜູ້ແທນ ສປປ ລາວ...

ອ່ານເພີ່ມ