ໜ້າຫຼັກ / ລາຍການຂໍ້ມູນ / ລາຍລະອຽດຂ່າວ

ພະແນກການ ຖວທ 8 ແຂວງ ໄດ້ຮັບການຍົກລະດັບວຽກງານຫ້ອງການ

26 Dec 2022 | ຂ່າວ: ພຸດທະສອນ |

    ຫ້ອງການ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ຮ່ວມກັບ ພະແນກ ຖວທ ແຂວງເຊກອງ ໄດ້ເປີດຊຸດຝຶກອົບຮົມວຽກງານຫ້ອງການ ໃຫ້ພະແນກ ຖວທ ແຂວງພາກກາງ ແລະ ພາກໃຕ້ ໃນວັນທີ 26 ທັນວານີ້, ທີ່ພະແນກ ຖວທ ແຂວງເຊກອງ ໂດຍມີທ່ານ ບົວໄລ ພານຸວົງ ຫົວໜ້າຫ້ອງການກະຊວງ ຖວທ; ທ່ານ ບູ່ໄຊ ໄຊຍະເສນ ຫົວໜ້າພະແນກ ຖວທ ແຂວງເຊກອງ, ບັນດາຄູຝຶກ, ນັກສໍາມະນາກອນຈາກແຂວງສະຫວັນນະເຂດ, ບໍລິຄໍາໄຊ, ຄໍາມ່ວນ, ໄຊສົມບູນ, ສາລະວັນ, ຈໍາປາສັກ, ອັດຕະປື ແລະ ຫ້ອງການ ຖວທ ເມືອງ 4 ເມືອງອ້ອມຂ້າງແຂວງເຊກອງເຂົ້າຮ່ວມ.


    ໂອກາດນີ້, ທ່ານ ບົວໄລ ພານຸວົງ ກ່າວວ່າ: ວຽກງານຫ້ອງການກໍ່ແມ່ນວຽກລານໜຶ່ງທີ່ມີຄວາມສໍາຄັນຫຼາຍ ເພາະເປັນວຽກງານປິ່ນອ້ອມກັບບັນດາໜ້າວຽກອື່ນໆຢູ່ໃນພະແນກການ, ຫ້ອງການຂັ້ນເມືອງ ໂດຍຜູ້ເຂົ້າຮ່ວມຈະໄດ້ຮຽນຮູ້ການນໍາໃຊ້ຖານຂໍ້ມູນເຂົ້າໃນວຽກງານ, ການຮ່າງເອກະສານທາງການ, ແນະນໍາວຽກງານຊັບສິນ, ແນະນໍາວຽກງານລາຍຮັບວິຊາການ ແລະ ກອງທຶນ.

 ພ້ອມນີ້ ຊຸດອົບຮົມຍັງໄດ້ເຜີຍແຜ່ ແຈ້ງການຂອງກະຊວງຖະແຫຼ່ງຂ່າວ, ວັດທະນະທໍາ ແລະ ທ່ອງທ່ຽວ ເລກທີ 39/ຖວທ, ລົງວັນທີ 21 ມີນາ 2021 ກ່ຽວກັບການເດີນເອກະສານຜ່ານລະບົບປະຕູດຽວ, ຫົວໜ້າດຽວ; ການປະກອບຄໍາຄິດຄໍາ ເພື່ອເປັນການແລກປ່ຽນບົດຮຽນເຊິ່ງກັນ ແລະ ກັນ ໃນສິ່ງທີ່ຕົນບໍ່ເຂົ້າໃຈຢ່າງກົງໄປກົງມາ ເພື່ອນໍາໄປຫມູນໃຊ້ເຂົ້າໃນວຽກງານຕົວຈິງທີ່ຕົນຮັບຜິດຊອບ ໃຫ້ມີຄວາມສະດວກ, ວ່ອງໄວ ແລະ ຖືກກັບຫຼັກການທີ່ໄດ້ກໍານົດໄວ້.
ຂ່າວ: ພຸດທະສອນ

ຂ່າວຫຼ້າສຸດ

ວຽກງານເສນາ

ໜຶ່ງປີຜ່ານມາ ມີຫຼາຍວຽກ​ງານ ຖວທ ໄດ້ຮັບຜົນສໍາເລັດເປັນກ້າວໆ

  • 24 Jan 2023
  • ໂດຍ: ວັນເພັງ

   ວຽກງານ ຖະແຫຼງຂ່າວ ວັດທະນະທຳ...

ອ່ານເພີ່ມຕື່ມ

ວຽກງານເສນາ

ກະຊວງ ຖວທ ສະຫຼຸບວຽກງານທົ່ວປະເທດ ປະຈຳປີ 2022

  • 23 Jan 2023
  • ຂ່າວ: ພູວັນ, ພາບ:ວັນເພັງ

   ...

ອ່ານເພີ່ມຕື່ມ

ວຽກງານເສນາ

ກະຊວງ ຖວທ ລົງເກັບຂໍ້ມູນວຽກງານເວັບໄຊ ຢູ່ແຂວງເຊກອງ ເພື່ອສະໜອງຂໍ້ມູນລົງໃນເວັບໄຊຂອງກະຊວງ ຖວທ

  • 10 Jan 2023

 ໃນວັນທີ 10 ມັງກອນ 2023...

ອ່ານເພີ່ມຕື່ມ

ວຽກງານເສນາ

ລັດຖະມົນຕີ ຖວທ ຕ້ອນຮັບທູດອິນເດຍ ເຂົ້າຢ້ຽມຂໍ່ານັບອໍາລາ

  • 09 Jan 2023
  • ຂ່າວ: ສຸພາ​ສະຫວັນ ພາບ: ອ່າຍຄຳ

   ຂປລ....

ອ່ານເພີ່ມຕື່ມ