ໜ້າຫຼັກ / ລາຍການຂໍ້ມູນ / ລາຍລະອຽດຂ່າວ

ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເປີດຝຶກອົບຮົມທິດສະດີການເມືອງ-ການປົກຄອງໄລຍະສັ້ນ 45 ວັນ ຊຸດທີ XII

09 Aug 2022 | (ຂ່າວ-ພາບ: ວັນເພັງ) |

     ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເປີດຝຶກອົບຮົມທິດສະດີການເມືອງ-ການປົກຄອງໄລຍະສັ້ນ 45 ວັນ ຊຸດທີ XII ໃຫ້ສະມາຊິກພັກ-ພະນັກງານຫຼັກແຫຼ່ງຂອງກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ) ຂຶ້ນໃນວັນທີ 9 ສິງຫາ 2022 ນີ້ ທີ່ສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ ໂດຍການເປັນປະທານຂອງ ສະຫາຍ ວັນສີ ກົວມົວ ກຳມະການສຳຮອງສູນກາງພັກ, ຮອງເລຂາຄະນະພັກ, ຮອງລັດຖະມົນຕີກະຊວງຖວທ, ສະຫາຍ ດາວສະຫວັນເຄືອມີໄຊ ຄະນະບໍລິຫານງານພັກ, ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ, ມີບັນດາຫົວໜ້າກົມ-ຮອງກົມ, ຄູ-ອາຈານ ພ້ອມດ້ວຍນັກສຳມະນາກອນ ເຂົ້າຮ່ວມ.

     ສະຫາຍ ຄຳຫຼ້າ ຍອຍສາຍຄຳ ຫົວໜ້າສະຖາບັນສື່ມວນຊົນ,ວັດທະນະທຳ ແລະ ທ່ອງທ່ຽວ ໄດ້ຜ່ານຂໍ້ຕົກລົງຂອງຫົວໜ້າສມປຊວ່າດ້ວຍການອະນຸມັດເປີດຊຸດອົບຮົມທິດສະດີການເມືອງ-ການປົກຄອງໄລຍະສັ້ນ 45 ວັນຊຸດທີ XII, ສະບັບເລກທີ 1021/ສມປຊ, ລົງວັນທີ 5 ສິງຫາ 2022, ຂໍ້ຕົກລົງຂອງລັດຖະມົນຕີກະຊວງຖວທສະບັບເລກທີ 659/ຖວທ, ລົງວັນທີ8 ສິງຫາ 2022ວ່າດ້ວຍອະນຸມັດເປີດຊຸດອົບຮົມທິດສະດີການເມືອງ-ການປົກຄອງໄລຍະສັ້ນ 45 ວັນ. ຈຸດປະສົງ ເພື່ອບຳລຸງສ້າງຄວາມເຂັ້ມແຂງທາງດ້ານທິດສະດີການເມືອງ-ການປົກຄອງໃຫ້ແກ່ບັນດາສະມາຊິກພັກ, ພະນັກງານຫຼັກແຫຼ່ງຂອງກະຊວງຖວທ, ໄດ້ຮຽນຫຼັກມູນພື້ນຖານ, ທິດສະດີມາກ-ເລນິນ, ແນວຄິດໄກສອນພົມວິຫານ, ຮຽນຮູ້ແນວທາງນະໂຍບາຍຂອງພັກ, ບັນດາກົດໝາຍແລະແຜນພັດທະນາເສດຖະກິດ-ສັງຄົມຂອງລັດຕາມໂຄງການຫຼັກສູດຂອງສະຖາບັນການເມືອງການປົກຄອງແຫ່ງຊາດຊຶ່ງເປັນການບຳລຸງຍົກລະດັບ, ຄຸນທາດການເມືອງ, ຄຸນສົມບັດສິນທຳປະຕິວັດ, ທັດສະນະຫຼັກໝັ້ນຂອງສະມາຊິກພັກ, ພະນັກງານແຕ່ລະກົມກອງອ້ອມຂ້າງກະຊວງໃຫ້ສູງຂຶ້ນ. ການຮຽນ-ການສອນຊຶ່ງປະກອບມີ 5 ພາກວິຊາຄື: ພາກວິຊາປັດຊະຍາ, ພາກວິຊາເສດຖະສາດ-ການເມືອງ, ລັດທິສັງຄົມນິຍົມວິທະຍາສາດ, ພາກວິຊາບໍລິຫານສາດແລະ ພາກວິຊາກໍ່ສ້າງພັກ, ນອກຈາກຄົ້ນຄວ້າຮ່ຳຮຽນຕາມຫຼັກສູດແລ້ວບັນດາສຳມະນາກອນຍັງຈະໄດ້ລົງທັດສະນະສຶກສາຕົວຈິງຕາມເງື່ອນໄຂທີ່ເປັນໄປໄດ້.

   ໃນພິທີຄັ້ງນີ້, ສະຫາຍ ວັນສີ ກົວມົວ ໄດ້ໂອ້ລົມ ແລະ ໃຫ້ທິດຊີ້ນໍາວ່າ: ບັນດາສະຫາຍ ສໍາມະນາກອນ ຈະໄດ້ມີໂລກະທັດໃໝ່ ແລະ ຮັບຮູ້ກົດເກນທີ່ແນ່ນອນ, ຮູ້ໄດ້ເຫດ ແລະ ຜົນເພື່ອແກ້ໄຂບັນຫາ, ຈະເປັນຜູ້ທີ່ມີຄວາມຮູ້ຄວາມສາມາດໃນການນຳພາ, ໃນການຈັດຕັ້ງຜັນຂະຫຍາຍແນວທາງນະໂຍບາຍ, ມະຕິ, ຄຳສັ່ງຂອງພັກ ແລະ ກົດໝາຍ, ລະບຽບການຕ່າງໆຂອງລັດວາງອອກ ໃຫ້ປະກົດຜົນເປັນຈິງຢ່າງດີ ແລະ ຮຽກຮ້ອງໃຫ້ເອົາໃຈໃສ່ຕັ້ງໃຈຮ່ຳຮຽນ, ຄົ້ນຄວ້າ ເພື່ອຮັບເອົາບົດຮຽນອັນລໍ້າຄ່າ ຈາກບັນດາຄູ-ອາຈານ ພ້ອມທັງແລກປ່ຽນບົດຮຽນກັບເພື່ອນຮ່ວມຫ້ອງຝຶກອົບຮົມດ້ວຍຄວາມຟົດຟື້ນມີຊີວິດຊີວາ, ດຳເນີນໄປດ້ວຍດີ,ປອດໄພ ແລະ ປະສົບຜົນສໍາເລັດຕາມລະດັບຄາດໝາຍທີ່ວາງໄວ້.

     ການຝຶກອົບຮົມຄັ້ງນີ້ມີທັງໝົດ 40 ສະຫາຍຍິງ 19 ສະຫາຍຊຶ່ງຈະໄດ້ດຳເນີນການຮຽນການສອນ ເປັນເວລາ 45 ວັນຊຶ່ງເລີ່ມຈາກວັນທີ 9 ສິງຫາ 2022 ຫາວັນທີ 7 ຕຸລາ 2022.

(ຂ່າວ-ພາບ: ວັນເພັງ)

ຂ່າວຫຼ້າສຸດ

ວຽກງານເສນາ

ກະຊວງ ຖວທ ເຜີຍແຜ່ເອກະສານ ສຳຄັນ ຂອງລັດຖະບານ

  • 15 Aug 2022
  • ຂ່າວ;ພາບ: ກິດຕາ

   ຂປລ. ກະຊວງຖະແຫລງຂ່າວ ວັດທະນະທຳ...

ອ່ານເພີ່ມຕື່ມ

ວຽກງານຖະແຫຼງຂ່າວ

ກອງ​ປະ​ຊຸມ​ແລກ​ປ່ຽນ​ວຽກງານ​ສື່ມວນ​ຊົນ​

  • 11 Aug 2022
  • ຂ່າວ​-ພາບ: ບຸນ​ອູ້ມ

   ...

ອ່ານເພີ່ມຕື່ມ

ວຽກງານວັດທະນະທໍາ

ເປີດສັບປະດາວັດທະນະທຳ ຫວຽດນາມ ສະຫລອງປີສະມັກຄີມິດຕະພາບ ລາວ-ຫວຽດນາມ

  • 19 Jul 2022
  • ຂ່າວ: ທະນູທອງ ພາບ: ຂັນໄຊ

       ຂປລ. ກະຊວງ...

ອ່ານເພີ່ມຕື່ມ

ວຽກງານເສນາ

ກະ​ຊວງ ຖວ​ທ ປະ​ກາດ​ການ​ຈັດ​ຕັ້ງ ແລະ ອະ​ນຸ​ມັດ​ໃຫ້​ພະ​ນັກ​ງານ​ຮັບ​ອຸດ​ໜູນ​ບຳ​ນານ

  • 17 May 2022
  • ຂ່າວ: ນາງ​ຍຸ​ພິນ​ທອງ

   ກະຊວງຖະແຫຼງຂ່າວ, ວັດທະນະທຳ ແລະ...

ອ່ານເພີ່ມຕື່ມ