ໜ້າຫຼັກ / ລາຍການຂໍ້ມູນ / ລາຍລະອຽດຂ່າວ

ກະ​ຊວງ ຖວ​ທ ປະ​ກາດ​ການ​ຈັດ​ຕັ້ງ ແລະ ອະ​ນຸ​ມັດ​ໃຫ້​ພະ​ນັກ​ງານ​ຮັບ​ອຸດ​ໜູນ​ບຳ​ນານ

17 May 2022 | ຂ່າວ: ນາງ​ຍຸ​ພິນ​ທອງ |

   ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດພິທີປະກາດການຈັດຕັ້ງ ແລະ ປະ​ກາດ​ໃຫ້​ພະ​ນັກ​ງານ​ຂັ້ນ​ກົມ, ກອງ ອອກພັກການ-ຮັບອຸດໜູນບຳນານ, ປະກອບມີຕຳແໜ່ງບໍລິຫານປະເພດ 2, ຍົກຍ້າຍ, ສັບຊ້ອນ ແລະ ແຕ່ງຕັ້ງຕຳແໜ່ງບໍລິຫານປະເພດ 3 ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງໜ້າທີ່ວຽກງານໃນຂົງເຂດ ຖວທ ໃນໄລຍະໃໝ່.

   ພິ​ທີ​ດັ່ງ​ກ່າວ ໄດ້​ຈັດ​ຂຶ້ນ​ໃນ​ວັນ​ທີ 17 ພຶດ​ສະ​ພາ ນີ້ ທີ່​ຫໍ​ວັດ​ທະ​ນະ​ທຳ​ແຫ່ງ​ຊາດ ໂດຍການເປັນປະທານຂອງທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງ ຖວທ, ມີບັນດາຫົວໜ້າກົມ, ກອງ, ພະນັກງານຫຼັກແຫຼ່ງອ້ອມຂ້າງກະຊວງ, ມີພາກສ່ວນກ່ຽວຂ້ອງເຂົ້າຮ່ວມ.

​    ໃນ​ພິ​ທີ ໄດ້​ປະ​ກາດ​ໃຫ້​ພະ​ນັກ​ງານ​ອອກ​ພັກ​ການ-ຮັບ​ອຸດ​ໜູນ​ບຳ​ນານ ຈຳ​ນວນ 3 ທ່ານ ຄື: ທ່ານ ບຸນສະໜອງ ສີຫາລາດ ຫົວໜ້າກົມວິຈິດສິນ; ທ່ານ ຄຳພັນ ພົນທອງສີ ວ່າການຫົວໜ້າກົມສິລະປະການສະແດງ ແລະ ທ່ານ ດວງຈັນ ພົມມະຈິດ ອອກພັກການ-ຮັບອຸດໜູນບຳນານ. ໃນຂະນະດຽວກັນກໍໄດ້ຜ່ານດຳລັດ ວ່າດ້ວຍການແຕ່ງຕັ້ງ ທ່ານ ອຳຄາ ວົງໝື່ນກ້າ ເປັນຜູ້ອຳນວຍການໃຫຍ່ ໂທລະພາບແຫ່ງຊາດລາວ, ທ່ານ ສຸວັນ ວິໄລແສງ ເປັນຜູ້ອຳນວຍການໃຫຍ່ ວິທະຍຸກະຈາຍສຽງແຫ່ງຊາດລາວ, ທ່ານ ນາງ ບົວໄຂ ເພັງພະຈັນ ເປັນຫົວໜ້າກົມສິລະປະ-ວັດທະນະທຳ, ທ່ານ ນາງ ຈັນເພັດ ຄຳຟອງ ເປັນຫົວໜ້າກົມວັນນະຄະດີ ແລະ ພິມຈຳໜ່າຍ; ພ້ອມກັນນັ້ນ ໄດ້​ປະ​ກາດແຕ່ງຕັ້ງ ທ່ານ ວົງໄຊ ບົວພະຈັນ ຮອງຜູ້ອຳນວຍການກອງສິລະປະກອນແຫ່ງຊາດ ຂຶ້ນເປັນຜູ້ອຳນວຍການກອງສິລະປະກອນແຫ່ງຊາດ ແລະ ອອກຂໍ້ຕົກລົງ ວ່າດ້ວຍການຍົກຍ້າຍ ແລະ ສັບຊ້ອນ ພະນັກງານ-ລັດຖະກອນ ຕຳແໜ່ງບໍລິຫານ ປະເພດ 3 ຂັ້ນຮອງຫົວໜ້າກົມ ທ່ານ ບຸນເ​ລື່ອມ ສຸວັນຄຳ ຮອງຜູ້ອຳນວຍການໃຫຍ່ໂທລະພາບແຫ່ງຊາດລາວ ​ໄປເປັນຮອງຫົວໜ້າສະຖາບັນສື່ມວນຊົນ, ທ່ານ ນາງ ອຳໄພວັນ ວົງມະນີ ຮອງຫົວໜ້າກົມການເງິນ ​ໄປເປັນຮອງຫົວໜ້າຫ້ອງການ​ກະ​ຊວງ ຖວ​ທ, ທ່ານ ລັດອຸດອນ ສຸລິນທອງ ຮອງຫົວໜ້າກົມການເງິນ ໄປເປັນຮອງຫົວໜ້າຫ້ອງການ, ທ່ານ ພັນທະນາສອນ ພິນພັກດີ ຮອງຫົວໜ້າກົມວັດທະນະທຳມະຫາຊົນ ໄປເປັນຮອງຫົວໜ້າກົມສິລະປະ-ວັດທະນະທຳ, ທ່ານ ບຸນເພັງ ສຸພາບ ຮອງຫົວໜ້າກົມສິລະປະການສະແດງ ໄປເປັນຮອງຫົວໜ້າກົມສິລະປະ-ວັດທະນະທຳ, ທ່ານ ສີວັນ ສຸກຈະເລີນ ຮອງຫົວໜ້າກົມສິລະປະການສະແດງ ໄປເປັນຮອງຫົວໜ້າກົມສິລະປະ-ວັດທະນະທຳ, ທ່ານ ນາງ ລັດດາວັນ ດວງດາລາ ຮອງຫົວໜ້າກົມສິລະປະການສະແດງ ໄປເປັນຮອງຫົວໜ້າກົມສິລະປະ-ວັດທະນະທຳ, ທ່ານ ທອງລິດ ຫຼວງໂຄດ ຜູ້ອຳນວຍການກອງບູຮານວິທະຍາ ໄປເປັນຮອງຫົວໜ້າກົມມໍລະດົກ, ທ່ານ ພູເຮືອງ ສຸວັນນະລາດ ຮອງຫົວໜ້າກົມວິຈິດສິນ ໄປເປັນຮອງຫົວໜ້າກົມມໍລະດົກ.

     ໂອກາດດັ່ງກ່າວ, ທ່ານ ນາງ ສວນສະຫວັນ ວິຍະເກດ ໄດ້ມີຄຳເຫັນວ່າ: ການສັບຊ້ອນ, ປ່ຽນແທນໜ້າທີ່ຕຳແໜ່ງ ຂອງພະນັກງານການນຳຂັ້ນດັ່ງກ່າວນີ້ ແມ່ນເປັນເລື່ອງປົກກະຕິສຳລັບພັກ-ລັດເຮົາ ດັ່ງມະຕິກອງປະຊຸມໃຫຍ່ຄັ້ງທີ XI ວາງອອກ ພະນັກງານຕ້ອງມີຂຶ້ນ-ມີລົງ, ມີເຂົ້າ-ມີອອກ ເພື່ອແນໃສ່ປັບປຸງການຈັດຕັ້ງ ແລະ ບຸກຄະລາກອນໃຫ້ສອດຄ່ອງ ຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ວຽກງານ; ບໍ່ວ່າຈະພະນັກງານຂັ້ນໃດ ຈະແມ່ນພະນັກງານຂັ້ນສູງ, ຂັ້ນກາງ ແລະ ພະນັກງານ-ລັດຖະກອນທົ່ວໄປໃນເມື່ອມີຄວາມຮຽກຮ້ອງຕ້ອງການຂອງພັກລັດແລ້ວ ກໍຕ້ອງໄດ້ປະຕິບັດຕາມການມອບໝາຍ.

ຂ່າວ: ນາງ​ຍຸ​ພິນ​ທອງ

ຂ່າວຫຼ້າສຸດ

ວຽກງານເສນາ

ກະຊວງ ຖວທ ເຜີຍແຜ່ເອກະສານ ສຳຄັນ ຂອງລັດຖະບານ

  • 15 Aug 2022
  • ຂ່າວ;ພາບ: ກິດຕາ

   ຂປລ. ກະຊວງຖະແຫລງຂ່າວ ວັດທະນະທຳ...

ອ່ານເພີ່ມຕື່ມ

ວຽກງານຖະແຫຼງຂ່າວ

ກອງ​ປະ​ຊຸມ​ແລກ​ປ່ຽນ​ວຽກງານ​ສື່ມວນ​ຊົນ​

  • 11 Aug 2022
  • ຂ່າວ​-ພາບ: ບຸນ​ອູ້ມ

   ...

ອ່ານເພີ່ມຕື່ມ

ວຽກງານເສນາ

ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເປີດຝຶກອົບຮົມທິດສະດີການເມືອງ-ການປົກຄອງໄລຍະສັ້ນ 45 ວັນ ຊຸດທີ XII

  • 09 Aug 2022
  • (ຂ່າວ-ພາບ: ວັນເພັງ)

     ກະຊວງ ຖະແຫຼງຂ່າວ, ວັດທະນະທໍາ...

ອ່ານເພີ່ມຕື່ມ

ວຽກງານວັດທະນະທໍາ

ເປີດສັບປະດາວັດທະນະທຳ ຫວຽດນາມ ສະຫລອງປີສະມັກຄີມິດຕະພາບ ລາວ-ຫວຽດນາມ

  • 19 Jul 2022
  • ຂ່າວ: ທະນູທອງ ພາບ: ຂັນໄຊ

       ຂປລ. ກະຊວງ...

ອ່ານເພີ່ມຕື່ມ