ໜ້າຫຼັກ / ລາຍການຂໍ້ມູນ / ລາຍລະອຽດຂ່າວ

ທ່ານລັດຖະມົນຕີກະຊວງ ຖວທ ພົບປະກັບເຈົ້າແຂວງ ແຂວງສາລະວັນ

07 Apr 2022 | ຫ້ອງການກະຊວງ |

     ໃນ​ໂອກ​າດລົງ​ຊຸກ​ຍູ້​ວຽກ​ງານ ຖວ​ທ ຢູ່​ແຂວງສາ​ລະ​ວັນ ໃນວັນ​ທີ 7 ເມ​ສາ 2022 ທ່ານ​ນາງ ສວນ​ສະ​ຫວັນ ວິ​ຍະ​ເກດ ​ລັດ​ຖະ​ມົນ​ຕີ ກະ​ຊວງ ຖວ​ທ ໄດ້​ພົບ​ປະເຮັດ​ວຽກກັບ​ທ່ານ ​ປອ ໂພ​ໄຊ ໄຊ​ຍະ​ສອນ ເຈົ້າ​ແຂວງ​ໆສາ​ລະ​ວັນ.

         ທ່ານ​ເຈົ້າ​ແຂວງສາ​ລະ​ວັນໄດ້​ກ່າວ​ວ່າ ວຽກ​ງານ ຖວ​ທ ພາຍ​ໃນ​ແຂວງມີ​ທ່າ​ແຮງ​ຫຼາຍ​ດ້ານ, ການ​ນຳ​ແຂວງ​​​​ໄດ້​ຖື​ສຳ​ຄັນ ແລະ ເອົາ​ໃຈ​ໃສ່​ຊີ້​ນຳ-​ນຳ​ພາ ​ເຖິງວ່າຈະ​ມີ​ສະ​ພາບ​ພະ​ຍາດ​ໂຄວິດ​-19 ແຜ່​ລະ​ບ​າດກໍ່​ຕາມ   ແຕ່​ວຽກ​ງານ ຖວ​ທ ກໍ​ໄດ້​​ເຮັດ​ໜ້າ​ທີ່​ຂອງ​ຕົນ​ຢ່າງ​ຕັ້ງ​ໜ້າ ໂດຍ​ສະ​ເພາະ​ວຽກ​ງານ​ຖະ​ແຫຼງ​ຂ່າວ ແມ່ນ​ໄດ້​ສຸມ​ໃສ່​ເຮັດ​ໜ້າ​ທີ​ເຜີຍ​ແຜ່​ຂໍ້​ມູນ​ຂ່າວ​ສານ​ເປັນ​ຕົ້ນ: ມະ​ຕິ​ຄຳ​ສັ່ງ, ​ແຈ້ງ​ການ, ບົດ​ແນະ​ນຳ, ແນວ​ທາງ​ນະ​ໂຍ​ບາຍ​ຕ່າງງໆ ເພື່ອ​ເຮັດ​ໃຫ້​ປະ​ຊາ​ຊົນຮັບ​ຮູ້ເຂົ້າໃຈ ແລະ ​ຈັດ​ຕັ້ງປະ​ຕິ​ບັດ. ດ້ານວຽກວັດທະນາທໍາກໍ່​ໄດ້​ເອົາ​ໃຈ​ໃສ່​ໃນ​ການ​ອະ​ນຸ​ລັກ​ປົກ​ປັກ​ຮັກ​ສາ​ຮີດ​ຄອງ​ປະ​ເພ​ນີ​ວັດ​ທະ​ນະ​ທຳ​ອັນ​ດີ​ງາມ​ຂອງ​ບັນ​ດາ​ເຜົ່າ ແລະ ບູ​ລະ​ນະ​ຮັກ​ສາ​ສະ​ຖານ​ທີ່​ສັກ​ກະ​ລະ​ບູ​ຊາ​ຕ່າງໆເປັນ​ຕົ້ນ​ແມ່ນ​ຫໍ​ໄຕວັດ​ກາງ ແລະ ອື່ນໆ. ວຽກ​ງານ​ທ່ອງ​ທ່ຽວ ກໍ່ໄດ້​ສຸມໃສ່ພັດ​ທະ​ນາທ່າແຮງທາງ​ດ້ານທໍາມະຊາດເປັນ​ຕົ້ນ​ແມ່ນມີແມ່ນໍ້າລຳ​ເຊ, ​ພູ​ຜາປ່າ​ໄມ້ທີ່​ອຸ​ດົມ​ສົມ​ບູນ ແລະ ສວຍ​ງາມ, ມີ ​ແຫລ່ງ​ທ່ອງ​ທ່ຽວພູຜາສຸກ ​ແລະ ​ການ​ພັດ​ທະ​ນາ​ແຫລ່ງ​ທ່ອງ​ທ່ຽວ ອື່ນໆ ເຊິ່ງ​​ສາ​ມາດ​ດຶງ​ດູດ​ນັກ​ທ່ອງ​ທ່ຽວ​ໃຫ້​ມາ​ທ່ຽວ​ຕາມ​ລະ​ດູ​ການ ແລະ ເຫັນ​ວ່າ ລະ​ດູອາດ​ກາດ​ທີ່​ເໝາະ​ສົມ​ຕໍ່​ການ​ທ່ອງ​ທ່ຽວ​ງາມທີ່ສຸດແມ່ນຫລັງເດືອນ​ກັນ​ຍາ​ຫາ ​ເດືອນຕຸ​ລາ. ພ້ອມນີ້​ ທ່ານ​ເຈົ້າ​ແຂວງ​ຍັງ​ໄດ້​ເນັ້ນ​ໜັກ​ວ່າ​ໃນ​ຕໍ່​ໜ້າ​ຈະ​ຕ້ອງ​ໄດ້​ເອົາ​ໃຈ​ໃສ່​ປັບ​ປຸງ​ການ​ໂຄ​ສະ​ນາ​ໃຫ້​ທັນ​ສະ​ໄໝ​ວ່ອງ​ໄວ​ທັນ​ການ ແລະ ສຸມໃສ່ກະກຽມເງື່ອນ​ໄຂ ເພື່ອເປີດການທ່ອງທ່ຽວກັບບັນດາປະເທດໄກ້ຄຽງ ,ໂຄສະນາການທ່ອງທ່ຽວແຕ່ລະລະດູການ, ຈະສືບ​ຕໍ່​ສ້າງ​ກິດ​ຈະ​ກຳທ່ອງທ່ຽວ​ທີ່​ເຫມາະ​ສົມ ໃນ​ນັ້ນ ສຸມໃສ່ພັດທະນາການທ່ອງທ່ຽວຕິດພັນກັບກະສິກຳ, ການມີສ່ວນຮ່ວມຂອງປະຊາຊົນ ແລະ ສົ່ງ​ເສີມ​​ການ​ຜະ​ລິດເປັສິນຄ້າໂອດັອບທີ່ປະຊາຊົນຜະລິດເອງແທ້ໆ, ນອກ ນີ້ຈະຕ້ອງໄດ້ເອົາໃຈໃສ່​ພັດ​ທະ​ນາເຮືອນພັກ,ໂຮງ​ແຮມ, ຮ້ານ​ອາ​ຫານ, ຕະຫລາດກາງຄືນ ເພື່ອ​ອຳ​ນວຍ​ຄວາມ​ສະ​ດວກ​ໃຫ້​ແກ່ການທ່ອງ ທ່ຽວ ​ແລະ ສ້າງລະບົບຂໍ້ມູນຂ່າວສານໃຫ້ເປັນລະບົບເພື່ອໂຄ​ສະ​ນາ​ດຶງ​ດູດ​ນັກ​ທ່ອງ​ທ່ຽວ​ໃຫ້​ຫຼາຍ​ຂຶ້ນ, ພ້ອມນີ້, ທ່ານ​ເຈົ້າ​ແຂວງ ​ຍັງ​ໄດ້​ສະ​ເໜີ​ໃຫ້​ທ່ານ​ລັດ​ຖະ​ມົນ​ຕີ​ຊ່ວຍ​ຊີ້​ນຳ​ໃນ​ການ​ປັບ​ປຸງ​ກົງ​ຈັກ​ການ​ຈັດ​ຕັ້ງ​ຂອງຂະ​ແໜງ ຖວ​ທ ໃຫ້​ສຳ​ເລັດ​ໂດຍ​ໄວ

​​       ໃນໂອ​ກາດ​ນີ້​ທ່ານ​ລັດ​ຖະ​ມົນ​ຕີກໍ່​ໄດ້​ສະ​ແດງ​ຄວາມ​ຂອບ​ໃຈ​ທີ່​ທາງ​ຄະ​ນະ​ນຳ​ຂອງ​ແຂວງ​ໄດ້​ເອົາ​ໃຈ​ໃສ່​ຊີ້​ນຳ-ນຳ​ພາໃນ​ການ​ພັດ​ທະ​ນາ​ວຽກ​ງານ ຖວ​ທ ໃນ​ໄລ​ຍະ​ຜ່ານ​ມາ ແລະ ກໍ່​ຂໍ​ໃຫ້​ສືບ​ຕໍ່​ກະ​ຕຸກ​ຊຸກ​ຍູ້ໃນ​ການ​ພັດ​ທະ​ນາ ແຕ່​ອັນ​ສຳ​ຄັນ​ການ​ພັດ​ທະ​ນານັ້ນ​ຍາກ​ໃຫ້​ມີ​ການ​ປະ​ສານ​ສົມ​ທົບ​ກັບ​ກະ​ຊວງ ໂດຍ​ສະ​ເພາະ​ກົມ​ທີ່​ກ່ຽວ​ຂ້ອງ​ໃຫ້​ມີ​ສ່ວນ​ຮ່ວມ​ໃນ​ການ​ຄົ້ນ​ຄວ້າ​​ໃຫ້​ຮັດ​ກຸມ ​ເພື່ອບໍ່​ໃຫ້​ເກີດ​ບັນ​ຫາ​ພັດ​ທະ​ນາ​ດ້ານ​ໜຶ່ງ​ແຕ່​ໄປ​ທຳ​ລາຍ ​ຫຼື​ ມີ​ຜົນ​ກະ​ທົບ​ຕໍ່​ດ້ານ​ອື່ນ, ​ການ​ພັດ​ທະ​ນາ​ໃຫ້ໄປ​ຕາມ​ແຜນ​ຍຸດ​ທະ​ສາດທີ່​ໄດ້​ກຳ​ນົດ​ໄວ້.

         ທ່ານ​ນາງ​ສວນ​ສະ​ຫວັນ ວິ​ຍະ​ເກດ ​ໄດ້​ສະ​ແດງ​ຄວາມ​ຂອບ​ໃຈ ຄະ​ນະ​ນຳ​ຂອງ​ແຂວງ​ໄດ້​ເອົາ​ໃຈ​ໃສ່​ຊີ້​ນຳ-​ນຳ​ພາວຽກ​ງານ ຖວ​ທ ​ໃນໄລ​ຍະ​ທີ່​ຜ່ານ​ມາໃຫ້​ມີ​ການ​ພັດ​ທະ​ນາ​ຢ່າງ​ຕັ້ງ​ໜ້າ ແລະ ຂໍ​ໃຫ້​ສືບ​ຕໍ່​ເອົາ​ໃຈ​ໃສ່​ຊ່ວຍ​ຊີ້​ນຳ​ຕື່ມ​ອີກ, ພ້ອມນີ້ ທ່ານ​ລັດ​ຖະ​ມົນ​ຕີ​ໄດ້​ກ່າວ​ວ່າການ​ລົງ​ມາ​ຄັ້ງ​ນີ້​ແມ່ນ​ເປັນ​ການ​ລົງ​ມາ​ຊຸກ​ຍູ້​ວຽກ​ງານ ຖວ​ທ ໂດຍ​ສະ​ເພາະ​ແມ່ນ​ເກັບ​ກຳ​ສະ​ພາບ​ ​ຂໍ້​ສະ​ດວກ ແລະ ຂໍ້​ຫຍຸ້ງ​ຍາກ ເພື່ອ​ຈະ​​​ໄດ້​ນຳໄປ​ຄົ້ນ​ຄວ້າ​ແກ້​ໄຂໃນ​ຕໍ່​ໜ້າ, ​ພ້ອມທັງ​ເປັນ​ການ​ແນະ​ນຳ​ຕົນ​ເອງ​ທີ່​ໄດ້​ມາ​ຮັບ​ໜ້າ​ທີ່ເປັນ​ລັດ​ຖະ​ມົນ​ຕີ​​ກະ​ຊວງ ຖວ​ທ ຄົນໃໝ່

ຂ່າວຫຼ້າສຸດ

ວຽກງານເສນາ

ກະຊວງ ຖວທ ເຜີຍແຜ່ເອກະສານ ສຳຄັນ ຂອງລັດຖະບານ

  • 15 Aug 2022
  • ຂ່າວ;ພາບ: ກິດຕາ

   ຂປລ. ກະຊວງຖະແຫລງຂ່າວ ວັດທະນະທຳ...

ອ່ານເພີ່ມຕື່ມ

ວຽກງານຖະແຫຼງຂ່າວ

ກອງ​ປະ​ຊຸມ​ແລກ​ປ່ຽນ​ວຽກງານ​ສື່ມວນ​ຊົນ​

  • 11 Aug 2022
  • ຂ່າວ​-ພາບ: ບຸນ​ອູ້ມ

   ...

ອ່ານເພີ່ມຕື່ມ

ວຽກງານເສນາ

ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເປີດຝຶກອົບຮົມທິດສະດີການເມືອງ-ການປົກຄອງໄລຍະສັ້ນ 45 ວັນ ຊຸດທີ XII

  • 09 Aug 2022
  • (ຂ່າວ-ພາບ: ວັນເພັງ)

     ກະຊວງ ຖະແຫຼງຂ່າວ, ວັດທະນະທໍາ...

ອ່ານເພີ່ມຕື່ມ

ວຽກງານວັດທະນະທໍາ

ເປີດສັບປະດາວັດທະນະທຳ ຫວຽດນາມ ສະຫລອງປີສະມັກຄີມິດຕະພາບ ລາວ-ຫວຽດນາມ

  • 19 Jul 2022
  • ຂ່າວ: ທະນູທອງ ພາບ: ຂັນໄຊ

       ຂປລ. ກະຊວງ...

ອ່ານເພີ່ມຕື່ມ