ໜ້າຫຼັກ / ລາຍການຂໍ້ມູນ / ລາຍລະອຽດຂ່າວ

ທ່ານລັດຖະມົນຕີກະຊວງ ຖວທ ພົບປະກັບເຈົ້າແຂວງ ແຂວງອັດຕະປື

05 Apr 2022 | ຫ້ອງການກະຊວງ |

       ວັນ​ທີ 5 ເມ​ສາ 2022 ໃນ​ໂອກ​າດລົງ​ຊຸກ​ຍູ​ວຽກ​ງານ ຖວ​ທ ຢູ່​ແຂວງ​ອັດ​ຕະ​ປື​ ທ່ານ​ນາງ ສວນ​ສະ​ຫວັນ ວິ​ຍະ​ເກດ ​ລັດ​ຖະ​ມົນ​ຕີ ກະ​ຊວງ ຖວ​ທ ໄດ້​ພົບ​ປະກັບ​ທ່ານ ​ເລັດ ໄຊ​ຍະ​ພອນ ເຈົ້າ​ແຂວງ​ໆອັດ​ຕະ​ປື. ທ່ານ​ລັດ​ຖະ​ມົນ​ຕີ​ໄດ້​ກ່າວ​ວ່າ ການ​ລົງ​ມາ​ຄັ້ງ​ນີ້​ແມ່ນ​ເປັນ​ການ​ລົງ​ມາ​ຊຸກ​ຍູ້​ວຽກ​ງານ ຖວ​ທ ໂດຍ​ສະ​ເພາະ​ແມ່ນ​ເກັບ​ກຳ​ສະ​ພາບ​ ​ຂໍ້​ສະ​ດວກ ແລະ ຂໍ້​ຫຍຸ້ງ​ຍາກ ເພື່ອ​ຈະ​ໄດ້ນຳ​ໄປ​ຄົ້ນ​ຄວ້າ​ແກ້​ໄຂໃນ​ຕໍ່​ໜ້າ, ​ພ້ອມທັງ​ເປັນ​ການ​ແນະ​ນຳ​ຕົນ​ເອງ​ທີ່​ໄດ້​ມາ​ຮັບ​ໜ້າ​ທີ່ເປັນ​ລັດ​ຖະ​ມົນ​ຕີ​​ກະ​ຊວງ ຖວ​ທ ຄົນໃໝ່, ໂອ​ກາດ​ນີ້ ​ທ່ານ​ລັດ​ຖະ​ມົນ​ຕີກໍ່​ໄດ້​ສະ​ແດງ​ຄວາມ​ຂອບ​ໃຈ​ທີ່​ຄະ​ນະ​ນຳ​ຂອງ​ແຂວງ​ໄດ້​ເອົາ​ໃຈ​ໃສ່​ກະ​ຕຸກ​ຊຸກ​ຍູ້, ໃຫ້​ທິດ​ຊີ້​ນຳ​ທາງ​ພະ​ແນກ ຖວ​ທ ​ແຂວງ​ຢ່າງ​ໄກ້​ສິດໃນ​ໄລ​ຍະ​ທີ່​ຜ່ານ​ມາ  ແລະ ​ສະ​ເໜີ​ໃຫ້​ເຈົ້າ​ແຂວງ​ສືບ​ຕໍ່ຊ່ວຍ​ກະ​ຕຸກ​ຊຸກ​ຍູ້ ໃຫ້​ທິດ​ຊີ້​ນຳວຽກ​ງານ ຖວ​ທ ​ຢູ່​ພາຍ​ໃນ​ແຂວງໃຫ້​ມີ​ຄວາມ​ເຂັ້ມ​ແຂງ​ຂື້ນຕື່ມ.

     ທ່ານ​ເຈົ້າ​ແຂວງ​ອັດ​ຕະ​ປືໄດ້​ແຈ້ງ​ໃຫ້​ຊາບ​ວ່າ​ ທາງ​ແຂວງ​ໄດ້​ເອົາ​ໃຈ​ໃສ່​ຢ່າງ​ສຸດ​ຂີດ​ໂດຍ​ສະ​ເພາະ​ໄດ້​ແບ່ງ​ງົບ​ປະ​ມານ​ຈຳ​ນວນ​ໜຶ່ງ​ໃຫ້ພະ​ແນກ ຖວ​ທ ​ແຂວງ ​ເພື່ອ​ພັດ​ທະ​ນາ​ວຽກ​ວຽກ​ງານ ຖວ​ທ,ໃນ​ນັ້ນ​ກໍ່​ໄດ້​ຄົ້ນ​ຄວ້າ ແລະ ໄດ້​ຊີ້​ນຳ​ໃນ​ການ​ຍົກ​ລະ​ດັບ​ຄວາມ​ແຮງ​ຂອງ​ເຄື່ອງ​ສົ່ງວິ​ທະ​ຍຸ​ຈາກ 2 ກິ​ໂລ​ວັດ ມາ​ເປັນ 5 ກິ​ໂລ​ວັດ​, ສຳ​ລັບ​ວຽກ​ງານ​ໂທ​ລະ​ໂຄງ​ຜ່ານ​ມາ​ແມ່ນ​ທຸກ​ບ້ານ​ໄດ້​ຮັບ​ການ​ຕິດ​ຕັ້ງ​ໃຫ້​ຄົບ​ຖ້ວນ​ແລ້ວ ແຕ່​ມາ​ຮອດ​ປະ​ຈຸ​ບັນ​ແມ່ນ​ຢູ່​ຫຼາຍ​ບານ​ມີ​ການ​ເປ​ເພ​ແລ້ວ ເຊິ່ງ​ຈະ​ຕ້ອງ​ໄດ້​ຊອກ​ງົບ​ປະ​ມານ​ມາ​ສ້ອມ​ແປງ ຫຼື ປ່ຽນ​ຖ່າຍ, ພ້ອມນັ້ນ, ທ່ານ​ເຈົ້າ​ແຂວງ​ໄດ້ຊີ້​ນຳ​ໃຫ້​​ພະ​ແນກ ຖວ​ທ ແຂວງ ເອົາ​ໃຈ​ໃສ່ອະ​ນຸ​ລັກ​ຮັກ​ສາ ແລະ ​ດຳ​ເນີນ​ການ​ສຳ​ຫຼວດ, ແນ​ໃສ່​ເພື່ອພັດ​ທະ​ນາ​ໃຫ້​ເປັນ​ແຫຼງ​ທ່ອງ​ທ່ຽວ​ເປັນ​ຕົ້ນ​ແມ່ນ: ຕາດ​ຫົວ​​ຄົນ, ທົ່ງໄກ່​ໂອກ, ໄມ້​ເປັນ​ຫີນ ແລະ ສຳ​ນັກ​ງານ​ການ​ປະ​ຕິ​ວັດ​ເກົ່າ ເພື່ອ​ໃຫ້​ກາຍ​ເປັນ​ບ່ອນ​ທ່ອງ​ທ່ຽວ​ທຳ​ມະ​ຊາດ ແລະ ປະ​ຫວັດ​ສາດ, ນອກນັ້ນ ​ກໍ່​ໄດ້​ປຶກ​ສາ​ຫາ​ລື​ທິດ​ທາງ​ພັດ​ທະ​ນາ​ວຽກ​ງານ​ສື່ມວນ​ຊົນ​ໃຫ້​ມີ​ຄວາມ​ເຂັ້ມ​ແຂງ​ຂື້ນ​ເປັນ​ຕົ້ນ​ແມ່ນ​ວິ​ທະ​ຍຸ ແລະ ໂທ​ລະ​ພາບ ເຊິ່ງ​ທ່ານ​ລັດ​ຖະ​ມົນ​ຕີ​ໄດ້​ກ່າວ​ວ່າ​ຈະ​ນຳ​ເອົາ​ບັນ​ຫາ​ຕ່າງໆ ທີ່​ທາງ​ແຂວງ​ສະ​ເໜີ​ໃນ​ຄັ້ງ​ນີ້​ໄປ​ປຶກ​ສາ​ຫາ​ລື ເພື່ອ​ຈະ​ໄດ້​ພ້ອມ​ກັນ​ແກ້​ໄຂ.

ຂ່າວຫຼ້າສຸດ

ວຽກງານເສນາ

ກະຊວງ ຖວທ ເຜີຍແຜ່ເອກະສານ ສຳຄັນ ຂອງລັດຖະບານ

  • 15 Aug 2022
  • ຂ່າວ;ພາບ: ກິດຕາ

   ຂປລ. ກະຊວງຖະແຫລງຂ່າວ ວັດທະນະທຳ...

ອ່ານເພີ່ມຕື່ມ

ວຽກງານຖະແຫຼງຂ່າວ

ກອງ​ປະ​ຊຸມ​ແລກ​ປ່ຽນ​ວຽກງານ​ສື່ມວນ​ຊົນ​

  • 11 Aug 2022
  • ຂ່າວ​-ພາບ: ບຸນ​ອູ້ມ

   ...

ອ່ານເພີ່ມຕື່ມ

ວຽກງານເສນາ

ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເປີດຝຶກອົບຮົມທິດສະດີການເມືອງ-ການປົກຄອງໄລຍະສັ້ນ 45 ວັນ ຊຸດທີ XII

  • 09 Aug 2022
  • (ຂ່າວ-ພາບ: ວັນເພັງ)

     ກະຊວງ ຖະແຫຼງຂ່າວ, ວັດທະນະທໍາ...

ອ່ານເພີ່ມຕື່ມ

ວຽກງານວັດທະນະທໍາ

ເປີດສັບປະດາວັດທະນະທຳ ຫວຽດນາມ ສະຫລອງປີສະມັກຄີມິດຕະພາບ ລາວ-ຫວຽດນາມ

  • 19 Jul 2022
  • ຂ່າວ: ທະນູທອງ ພາບ: ຂັນໄຊ

       ຂປລ. ກະຊວງ...

ອ່ານເພີ່ມຕື່ມ